«Արարատն» ու «Վանն»՝ առաջատար. առաջին տուրի ամփոփումը
Հայաստանի առաջնությունը մեկնարկեց, անդրանիկ տուրում նախատեսված հինգ խաղից կայացան չորսը: Վանաձորի «Լոռին» ինչպես ավելի վաղ հայտարարել էր, չներկայացավ «Ուրարտուի» հետ հանդիպմանը: Մնացած խաղերում գրանցվեց երկու ոչ-ոքի, մեկական հաղթանակ տարան տանտերերը, մասնավորապես բացման խաղում չեմպիոն «Արարատ-Արմենիան» մրցակցի հարկի տակ մրցեց բրնոզե մեդալակիր «Ալաշկերտի» հետ, գրանցվեց գոլազուրկ ոչ-ոքի: Խաղային երկրորդ օրը նորեկ «Վանը» նորամուտը Բարձրագույն խմբում նշեց հաղթանակով: Սևադա Արզումանյանի գլխավորած թիմը Չարենցավանում 2:1 հաշվով հաղթեց «Գանձասար-Կապանին»: Նորամուտը նոր թիմի ղեկին հաղթանակով նշանավորեց նաև Երևանի «Արարատի» գլխավոր մարզիչ Վարդան Բիչախչյանը: Վերջինիս սաները տուրի խաղային երրորդ օրը «Հանրապետականում» ընդունեցին Երևանի «Փյունիկին» և հաղթանակ տարան նվազագույն հաշվով: Դրանից առաջ առաջնության անդրանիկ միավորը վաստակեց Վարդան Բիչախչյանի նախկին թիմը՝ Գյումրու «Շիրակը»: Տիգրան Դավթյանի գլխավորությամբ շիրակցիները կարողացան մինչև վերջ պայքար մղել և «Նոայի» հետ արտագնա մրցավեճն ավարտել 2:2 հաշվով:
Կայացած առաջին տուրից հետո մրցաշարային աղյուսակում վաստակած երեքական միավորով առաջատարներն են «Արարատն» ու «Վանը», միանգամից չորս թիմ՝ «Արարատ-Արմենիան», «Ալաշկերտը», «Շիրակն» ու «Նոան» ակտիվում ունեն մեկական միավոր:
- Մրցաշարային աղյուսակ
N | Թիմեր | Խ | Հ | Ո | Պ | ԽԳ | ԲԳ | Մ |
---|---|---|---|---|---|---|---|---|
1. | Արարատ | 1 | 1 | 0 | 0 | 1 | 0 | 3 |
2. | Վան | 1 | 1 | 0 | 0 | 2 | 1 | 3 |
3. | Արարատ-Արմենիա | 1 | 0 | 1 | 0 | 0 | 0 | 1 |
4. | Ալաշկերտ | 1 | 0 | 1 | 0 | 0 | 0 | 1 |
5. | Շիրակ | 1 | 0 | 1 | 0 | 2 | 2 | 1 |
6. | Նոա | 1 | 0 | 1 | 0 | 2 | 2 | 1 |
7. | Ուրարտու | 0 | 0 | 0 | 0 | 0 | 0 | 0 |
8. | Լոռի ՖԱ | 0 | 0 | 0 | 0 | 0 | 0 | 0 |
9. | Գանձասար-Կապան | 1 | 0 | 0 | 1 | 1 | 2 | 0 |
10. | Փյունիկ | 1 | 0 | 0 | 1 | 0 | 1 | 0 |
- «Ալաշկերտ» — «Արարատ-Արմենիա»՝ 0:0
- «Վան» — «Գանձասար-Կապան»՝ 2:1
- «Նոա»- «Շիրակ»՝ 2:2
- «Արարատ» — «Փյունիկ»՝ 1:0
- «Ուրարտու» — «Լոռի»՝ չի կայացել
Հաջորդ տուրը կմեկնարկի օգոստոսի 21-ին «Ալաշկերտ» — «Նոա» խաղով: Տուրի խաղային երկրորդ օրը նախատեսված է «Շիրակ» — «Արարատ» հանդիպումը, սակայն խաղը կարող է չկայանալ: Երևանայն ակումբում կորոնավիրուսով վարակվածների թիվը հասել է 18-ի և ակումբը դիմել է ՀՖՖ, որպեսզի հետաձգեն այն: Նման դիմում է ՀՖՖ ուղարկել նաև Գյումրու «Շիրակը», որ վարչական անձնակազմում ևս վարակման դեպք է արձանագրվել: Խաղային երրորդ օրը նախատեսված է միանգամից երեք հանդիպում, մասնավորապես «Լոռին» ընդունելու է «Վանին», «Արարատ-Արմենիան»՝ «Գանձասար-Կապանին», «Փյունիկը»՝ «Նոային»:
Տուր 2 | Քաղաք | Մարզադաշտ | ||||
23.08.20 | Փյունիկ |
—
|
Ուրարտու | Երևան | «Հանրապետական» | 19:30 |
23.08.20 | Ար.-Արմ. |
—
|
Գանձ.-Կ. | Երևան | Ավան | 18:30 |
23.08.20 | Լոռի ՖԱ |
—
|
Վան | Վանաձոր | ՎՖԱ մ/դաշտ | 17:00 |
22.08.20 | Շիրակ |
—
|
Արարատ | Գյումրի | քաղաքային | 17:00 |
21.08.20 | Ալաշկերտ |
—
|
Նոա | Երևան | «Նաիրի» | 17:30 |
Առաջնության լավագույն ռմբարկուների ցուցակում առաջին տուրից հետո հավասարություն է, բոլորը խփել են մեկական գոլ:
- Ռմբարկուներ
N
|
Ֆուտբոլիստ
|
Գոլեր | |
01
|
—
|
Վլադիմիր Ազարով (Նոա) | 1 |
02
|
—
|
Արտյոմ Միքայելյան (Շիրակ) | 1 |
03
|
—
|
Ուրոշ Նենադովիչ (Արարատ) | 1 |
04
|
—
|
Արման Ասլանյան (Շիրակ) | 1 |
05
|
—
|
Դանու Սպետառու (Նոա) | 1 |
06
|
—
|
Գեղամ Հարությունյան (Գանձասար-Կապան) | 1 |
07
|
—
|
Միհրան Մանասյան (Վան) | 1 |
08
|
—
|
Էզա Կուասի Ուիլֆրեդ (Վան) | 1 |