Ախալքալաքում երեք տուն և հյուրանոց են հրդեհել
Երիտասարդները Մաշտոցի փողոցում ևս մեկ տուն են հրկիզել: Ավելի վաղ հրդեհվել էին նաև Մյասնիկյան և Նալբանդյան փողոցներում գտնվող տները: Նշենք, որ այս բոլոր տները կապված են «Արտսեկ» հյուրանոցի սեփականատիրոջ հետ: Հենց վերոհիշյալ հյուրանոցն էլ հրդեհվել էր առաջինը, հայտնում է jnews.ge-ն
Տեղում է գտնվում նաև Սամցխե-Ջավախքի նահանգապետ Բեսիկ Ամիրանաշվիլին:
Նախնական տեղեկություններով, Ախալքալաքում ավերածությունները սկսվել են Կուլիկամ գյուղի երիտասարդի սպանության պատճառով: