Բացահայտվել է հանցագործության 130 դեպք, որից 11-ը՝ նախկինում կատարված
Ըստ ոստիկանության օպերատիվ հաղորդագրությունների ամփոփագրերի` հուլիսի 10-ից 13-ը Հայաստանի Հանրապետության ոստիկանության տարբեր ստորաբաժանումների կողմից բացահայտվել է հանցագործության 130 դեպք, որից 11-ը՝ նախկինում կատարված, հայտնում են ոստիկանության մամուլի ծառայությունից:
Մասնավորապես՝ մարմնական վնասվածք հասցնելու՝ 31, խարդախության՝ 18, անձնական ունեցվածքի գողության և ընտանեկան բռնության՝ 14-ական, յուրացնելու կամ վատնելու՝ 7, պետական-հասարակական ունեցվածքի գողության ու բնակարանային գողության՝ 4-ական, ապօրինի ծառահատման, ծեծի և թմրամիջոցների, հոգեմետ նյութերի և դրանց պրեկուրսորների մաքսանենգության՝ 3-ական, գույքը դիտավորությամբ վնասելու, թմրամիջոցի հայտնաբերման, պաշտոնեական լիազորությունները չարաշահելու ու սպանության սպառնալիքի՝ 2-ական, անձի առևանգման, որսագողության, իշխանության ներկայացուցչի նկատմամբ բռնություն գործադրելու, լրագրողի աշխատանքը խոչընդոտելու, բնակարանային գողության նախապատրաստության, ահաբեկչության մասին սուտ հաղորդում տալու, անձնական կամ ընտանեկան կյանքի մասին տեղեկություններ ապօրինի օգտագործելու կամ տարածելու, մշակումն արգելված թմրանյութեր պարունակող բույսեր ապօրինի աճեցնելու, ջրերն աղտոտելու և փաստաթղթի կեղծիքի՝ 1-ական դեպք։
- Հայտնաբերվել է 2 անհետ կորած, 6 հետախուզվող։ Կամավոր ներկայացել է 6 հետախուզվող։
- Գրանցվել է զենք-զինամթերքի կամավոր հանձնման 4 դեպք։
Նախկինում կատարված հանցագործություններից բացահայտվել է անձնական ունեցվածքի գողության՝ 5, բնակարանային գողության՝ 3, մարմնական վնասվածք հասցնելու՝ 2, և սպանության փորձի 1 դեպք։
Անցած 3 օրվա ընթացքում հանրապետությունում արձանագրվել է ճանապարհատրանսպորտային 33 պատահար. 43 մարդ ստացել է տարբեր աստիճանի մարմնական վնասվածքներ:
