Կայծակը հարվածել է ռուս ֆուտբոլիստին

Կայծակը հարվածել է ռուս ֆուտբոլիստին

Ռուսական «Զնամյա Տրուդա» ֆուտբոլային թիմի գլխավոր մարզիչ Անտոն Բասովը նկարագրել է, թե ինչպես է կայծակը մարզման ընթացքում հարվածել թիմի դարպասապահ Իվան Զաբորովսկուն: Նրա խոսքերը մեջբերում է «ՌԻԱ Նովոստին»:

«Հարվածը շատ ուժեղ էր: Երբ ես վազեցի նրա մոտ, առաջին հերթին շրջեցի: Նրա կրծքավանդակը և ամբողջ վերնաշապիկը այրվել էր», – ասել է Բասովը: Ըստ նրա՝ մոտ երկու րոպե Զաբորովսկին չի շնչել։

Մարզիչը հավելել է, որ շտապօգնությունը ժամանել է շատ արագ, ինչի շնորհիվ էլ հնարավոր է եղել փրկել ֆուտբոլիստին: Հավելենք, որ կայծակը հարվածել է Զաբորովսկուն հուլիսի 5-ին: Ֆուտբոլիստին տեղափոխել են վերակենդանացման բաժանմունք: Երկու օր անց է 16-ամյա խաղացողը ուշքի եկել:

wp-apeth