Իրանը չի կարող «փակել իր տնտեսությունը»
Իրանի նախագահ Հասան Ռուհանին զգուշացրել է, որ իրենք չեն կարող իրենց թույլ տալ «փակել տնտեսությունը»՝ կորոնավիրուսային հիվանդության նոր դեպքերի աճի հետ կապված:
Հինգշաբթի օրը Իրանում վիրուսից մահացել է 221 հոգի, ինչը օրվա կտրվածքով ռեկորդ էր երկրի համար: Համավարակի սկզբից Իրանում արդեն մահացել է 12400-ից ավելի մարդ:
Ռուհանին հայտարարել է, որ իրենք պետք է շարունակեն տնտեսական, սոցիալական և մշակութային միջոցառումները՝ պահպանելով սանիտարական կոնոնները:
Երկրում սահմանափակումները հանել են ապրիլ ամսից: Առողջապահության նախարար Սաիդ Նամակին հայտնել է, որ այլևս հնարավոր չէր պահել տնտեսությունը նման պայմաններում՝ հաշվի առնելով նաև այն, որ Իրանը լուրջ տուժել է ԱՄՆ-ի կողմից կիրառված սանկցիաների պատճառով: