Կատալոնիայում բաց տարածքներում դիմակ կրելը՝ պարտադիր պահանջ. Լուրեր Եվրոպայից համառոտ
Կատալոնիայում բաց տարածքներում դիմակ կրելը՝ պարտադիր պահանջ, Ֆրանսիայում չեն բացառում համավարակի երկրորդ ալիքի բռնկման հնարավորությունը: Վերջին լուրերն Եվրոպայից համառոտ:
- Կատալոնիայում վեց տարեկանից մեծերը պետք է պարտադիր դիմակ կրեն բաց տարածքներում, նույնիսկ եթե չկա սոցիալական հեռավարություն պահելու հարց: Որոշումը կայացվել է այն բանից հետո, երբ Լերիդայում ու նրան կից շրջաններում նկատվել է վարակման նոր դեպքերի աճ:
- Ֆրանսիայում մտավախություն ունեն, որ երկրում կարող է համավարակի երկրորդ ալիք բռնկվել: Ֆրանսիայի գիտական խորհրդի ղեկավար Ժան-Ֆրանսուա Դելֆրեսին Le Monde-ի հետ զրույցում ասել է, որ վիրուսը կարող է նոր թափ ստացալ այն պատճառով, որ մարդիկ չեն պահպանում սոցիալական հեռավորությունը: Մասնագետը նկատել է, որ ճիշտ է այս պահին վիրուսի տարածումը կարողանում են վերահսկել, սակայն այն դեռ չի վերացել:
- Կորոնավիրուսից ամենաշատ տուժած Իտալիայի քաղաքներից Բերգամոյի հիվանդանոցի ինտենսիվ թերապիայի բաժանմունքում 137 օր անց պաշտոնապես չի գրանցվել կորոնավիրուսի ոչ մի դեպք: Առաջին վարակակիրներին հիվանդանոցում ընդունել են փետրվարի 23-ին:
