Այրվել է փայտյա տնակ

ԱԻՆ-ից հայտնում են, որ հունիսի 23-ին, ժամը 00։19-ին Ճգնաժամային կառավարման ազգային կենտրոն ահազանգ է ստացվել, որ Արա լեռան ամառանոցներում՝ Կարբի գյուղի մոտակայքում, այրվում է փայտյա տնակ։

Դեպքի վայր է մեկնել ԱԻՆ ՓԾ Արագածոտնի մարզային փրկարարական վարչության հրշեջ-փրկարարական ջոկատից երկու մարտական հաշվարկ։ Փրկարարներն իրականացրել են քանդման աշխատանքներ։ Հրդեհը մեկուսացվել է ժամը 02:25-ին, մարվել՝ 08:08-ին։ Այրվել է փայտյա տնակ՝ մոտ 54 քմ։