Մեքենաներն արգելափակվել են սելավաջրերի մեջ

Մեքենաներն արգելափակվել են սելավաջրերի մեջ

ԱԻՆ-ից հայտնում են, որ հունիսի 17-ին, ժամը 22։07-ին Ճգնաժամային կառավարման ազգային կենտրոն տեղեկություն է ստացվել, որ Ալավերդի քաղաքի Թումանյան և Զորավար Անդրանիկի փողոցների խաչմերուկում ավտոմեքենաներն արգելափակվել են սելավաջրերի մեջ. քաղաքացիներին ավտոմեքենաներից դուրս բերելու համար անհրաժեշտ է փրկարարների օգնությունը:

Դեպքի վայր է մեկնել ԱԻՆ ՓԾ Լոռու մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարները սելավաջրերում արգելափակված 2 ավտոմեքենայից դուրս են բերել 5 քաղաքացու, ժամանակավորապես դադարեցրել երթևեկությունը դեպի Թումանյան և Զորավար Անդրանիկի փողոցների խաչմերուկ և ավտոքարշակի օգնությամբ ավտոմեքենաները դուրս բերել ջրից։

wp-apeth