Ռոբերտ Քոչարյանին կազատեն արգելանքից 2 միլիարդ դրամ գրավի դիմաց
Վերաքննիչ քրեական դատարանն այսօր մասնակի բավարարել է կալանքի տակ գտնվող Հայաստանի երկրորդ նախագահ Ռոբերտ Քոչարյանի փաստաբանների՝ Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։
Դատավոր Արսեն Նիկողոսյանը հրապարակել է որոշման եզրափակիչ մասը՝ համաձայն որի, ամբաստանյալ Ռոբերտ Քոչարյանի նկատմամբ որպես խափանման միջոց կիրառված կալանավորումը կվերացվի և նրա նկատմամբ որպես խափանման միջոց կկիրառվի գրավը 2 միլիարդ դրամի չափով: Գրավի սահմանված գումարը վերաքննիչ քրեական դատարանի դեպոզիտ հաշվեհամարին մուծելուց հետո Քոչարյանին կազատեն արգելանքից:
Ռոբե8տ Քոչարյանի որդին՝ Լևոն Քոչարյանը ֆեյսբուքի իր էջում գրառում է արել՝ նշելով, որ վաղը նախագահի գրասենյակը կարտահայտի մեր դիրքորոշումը դատարանի որոշման և գրավի հետ կապված:
