Ֆրանսիայում վերսկսվել են «դեղին ժիլետների» բողոքի ցույցերը
Ֆրանսիայում «Դեղին ժիլետների» բողոքի ակցիայի հարյուրավոր մասնակիցներ առաջին անգամ դուրս են եկել փողոց թագավարակի պատճառով հաստատված սահմանափակումների վերացումից հետո: Այս մասին, շաբաթ օրը՝ մայիսի 16-ին, հայտնել է ՏԱՍՍ-ը:
Ակտիվիստների մի քանի խմբեր հայտնվել են Թուլուզ և Նանտ քաղաքների կենտրոններում: Ցուցարարները տուգանվել են ոստիկանների կողմից որից հետո ցրվել են: Լիոնում ցույցերին մասնակցել են 300 մարդ, իսկ Սեն-Նազերում՝ 130: Ամենաբազմամարդ ցույցերը Մոմպելյեում էին. փողոց են դուրս եկել 350 մարդ:
Ոստիկանների հետ բախման արդյունքում վիրավորվել է մի կին: Ցուցարարներից շատերը դիմակներով էին:
«Դեղին ժիլետների» ցույցերը Ֆրանսիայում սկսվել է 2018-ի նոյեմբերին: Սկզբում դրանք անցկացվել են վառելիքի գների բարձրացման դեմ, ինչի պատճառով բողոքի մասնակիցները սկսել են կրել դեղին ժիլետներ, որոնք նախատեսված էին վարորդների համար: Ժամանակի ընթացքում նրանք սկսել են նաև քաղաքական պահանջներ ներկայացնել:
